Келер аптада, мамырдың үші күні прокатқа шығатын "Жаужүрек мың бала" - Шәкен Айманов атындағы "Қазақфильм" киностудиясы осы жылы қолға алған ең ауқымды жоба. Он сегізінші ғасырдағы қазақ-жоңғар соғысының тек бір ғана қыры туралы әңгімелейтін туынды ә деп басталғаннан-ақ қоғамның көзі мен назарына ілінді. 200 адамды таңдау үшін жарияланған кастингке 22 мыңнан астам үміткердің келуі сыны байқатады.